Birthday gift nga P1 million

CEBU, Philippines — Gihatagan sa  komedyante ug talent manager nga si Ogie Diaz  og P1 million ang iyang babaye nga anak nga  si Erin isip birthday gift. Matud ni Ogie, iyang gituman ang iyang saad ngadto sa anak. Gipasabot niya nga gusto niyang ma-enjoy ang  iyang mga anak sa  ilang pagkabatan-on ug dili magdali sa pagminyo o pagbaton og kaugalingong pamilya. “Pangako ko sa kanila… pag 25 wala pa kayong asawa, wala pa kayong anak,” nagkanayon si  Ogie.

3 ka pelikula sa Nathan Studios, pasok sa Busan FilmFest

Tulo ka  pelikula nga gipaluyohan  sa Nathan Studios, ang kompanya sa mag-inahang Sylvia Sanchez ug Ria Atayde-Marudo, ang gikatakdang malakip  sa prestihiyosong 31st Busan International Film Festival (BIFF) sa South Korea karong Oktubre 6 hangtod 15.

Gipabuhagay  ni Sylvia ang iyang dakong kalipay ug kahinam sa maong dungog, diin personal siyang motambong sa festival aron masaksihan ang reaksyon  sa viewers sa ilang mga gimugnang proyekto.

Nalakip sa  Vision-Asia section ang "Ria", usa ka Filipino  drama nga ubos sa direksyon  ni Arvin Belarmino ug gibidahan  ni Nour Hooshmand uban ni Sylvia Sanchez.  Pasok  usab sa line-up ang "Nagi Notes" (Nagi Diary)  nga gitrabaho  sa Hapon nga direktor nga si Koji Fukada   ug nalakip kini sa  Icons Section.

Ang mga bida niini kay sila Takako Matsu, Shizuka Ishibashi, ug Ken’ichi Matsuyama.

Samtang ang ikatulong pelikula sa Nathan Studios nga nalakip sa Busan International Film Festival karong tuiga mao ang  "Filipiniana" nga ubos sa direksyon  ni Rafael Manuel ug  nakasulod kini sa Asian Project Market (APM) category.

Sila Jorrybell Agoto, Teroy Guzman, Angeli Bayani, Carmen Castellanos ug Agot Isidro ang mga bida sa maong pelikula 

Sharon misaludo  kang Barbie ug Khalil

Napuno sa pagdayeg  si Megastar Sharon Cuneta ngadto sa iyang mga kauban sa  Honor Thy Mother nga sila Barbie Forteza ug Khalil Ramos tungod sa dili basta -basta nga  abilidad niini sa pag-arte.

“I have fallen in love with Barbie, very hard. Barbie and Khalil. And I call lots of people anak, but those who are closest to me, sa mga artistang bata ay number one, Julia Montes, Alden, and Barbie, and then Julia Barretto also. Barbie and Khalil,” suma pa sa Megastar atol sa guesting guesting niini sa  Fast Talk with Boy Abunda.

Gidayeg ni Sharon si Barbie isip usa ka maayong aktres ilabi na sa  pagdala sa emosyon sa mga karakter niini.

“Barbie is amazing for her age, parang limang lifetime na ang pinagdaanan ng batang ito sa lalim ng emosyon. She’s so good,” suma pa  ni Sharon.

Samtang gihulagway ni Sharon si Khalil isip usa ka maayong batan-on nga giatiman og  tarong sa iyang mga ginikanan. “I adore Khalil Ramos. He’s such a good boy; his parents did such a good job in raising him. But Barbie as well. Bago niya isipin ang sarili niya, iniisip niya ang parents niya, ’yung pamilya niya. I admire that,” dugang  pa  ni Sharon.