Bela nauyonan ni Maricel

CEBU, Philippines — Gidayeg sa beteranang aktres nga si Maricel Soriano ang kauban niya sa family drama movie nga Life After You nga si Bela Padilla gumikan sa ka maayo niini katrabaho .Gawas sa talento ni Bela isip aktres, nakauyon usab siya sa kaalam ug katahom niini .

Unom ang scholars

Dunay unom ka college scholars ang singer nga si  Angeline Quinto . Iya kining gipahibalo atol sa iyang  anniversary concert nga “AQuinse” sa niaging gabii . Nakasulod sa iyang scholarship program mao ang mga indibidwal nga naglisod og sustento sa ilang pagtungha nga nangandoy nga makahuman sa kolehiyo .

Bag-ong manager

Human sa dul-an  unom ka tuig , ni-resign na si Shirley Kuan isip manager ni Bea Alonzo.  Ang film producer nga si Chris Cahilig maoy temporaryong manager sa aktres .

Catriona, inspirasyon sa napili nga Miss Universe Thailand 2026

Gihinganlan ni Tharina Botes, ang bag-ong Miss Universe Thailand 2026, si Miss Universe 2018 Catriona Gray sa Pilipinas isip iyang inspirasyon sa kalibotan sa beauty pageant.

Ang Thai-South African nga modelo nga si Tharina 29, maoy gikoronahan isip Miss Universe Thailand 2026 atol sa grand coronation nga gipahigayon sa MGI Hall sa Bangkok, Thailand niadtong Domingo sa gabii.

Sa final question-and-answer portion sa kompetisyon, gipangutana si Tharina : “Which Miss Universe has inspired you the most and why?”

Wala magduha-duha si Tharina  sa pagtubag ug ginganlan si Catriona , nga nilangkat  sa Miss Universe crown niadtong 2018.

“Oh my gosh, my favorite Miss Universe would definitely have to be Catriona Gray from the Philippines. For me, she is the ultimate package. Gitiman -an  gyud  niya  ang mga leksyon nga iyang nakat-onan  gikan kang Gray, ilabi na ang importansiya sa kakugi, determinasyon ug pagsalig sa kaugalingon aron makab-ot ang mga pangandoy. —SJA

Heart , partikular  sa pagpili og higala

Gipahimug- atan  sa  Kapuso star nga si Heart Evangelista ang pagka- mahinungdanon sa pagkahibalo kung kinsa ang angay saligan ug sultihan  sa personal nga mga problema, ilabi na sa pagpili og mga higala.

Sa usa ka episode sa GMA comedy game show nga The People Have Spoken bag-ohay lang, nahimong mas seryoso ang panaghisgot human natuki ang maong butang .

Gipaambit  ni Heart  ang iyang  kasinatian kabahin  sa pagsalig sa uban.

Kaniadto iyang gipugngan sa kaugalingon ang mga problema hangtod nga sa dihang dili na niya kini maagwanta, naistoryahan  niya ang  mga tawo nga dili diay angay saligan.

“I opened up to the wrong people,” ni Heart pa.

Tungod niini, iyang gipasidan-an ang publiko nga magbinantayon  sa pagpili sa mga tawo nga ilang saligan, ilabi na kon personal ug sensitibo ang ilang isulti.

Maningkamot ug magpadayon , gipaneguro ni Sassa

Mibalik  sa musika ang kanhi “The Voice Kids Philippines” Season 2 finalist nga si Sassa Dagdag pinaagi sa iyang bag-ong kanta nga “Alamat Ng Baga,” ang una niyang awit ubos sa DNA Music sa ABS-CBN.

Ang “Alamat Ng Baga”  kay usa ka  hip-hop track nga gisulat mismo ni Sassa. Naghisgot kini sa pagbarog alang sa kaugalingon, dili pagpadaog sa pagduhaduha sa uban, ug paggamit sa mga pagsulay isip inspirasyon aron mas maningkamot ug magpadayon.

Gitabangan siya sa pagsulat niini  nila Michael “Cursebox” Negapatan, Venzon “Abaddon” Malubay, ug DNA Music label head nga si Gab Tagadtad.

Nailhan  si Sassa isip finalist sa “The Voice Kids Philippines” niadtong 2015 ubos sa Team Bamboo. Niadtong 2017, gilusad niya ang iyang debut EP nga “Sassy Sassa,” nga adunay mga awit nga “Itatago Na Lang” ug “Kumakaba.”

Gisundan kini sa iyang mga kanta nga “Pasensya Ka Na,” “Picking Petals,” ug “Hulog Ni Bathala,” nga nagpakita sa iyang abilidad isip singer-songwriter.

Ang “Alamat Ng Baga” kay naglanog-lanog sa nagkalain-laing digital streaming platforms.

Puy-an kung magminyo na Kaila gipalitan og balay ni Daniel ?

Gisumsoman karon ang chika  nga matud pa nipalit og  balay si Daniel Padilla aron mao kini ang puy- an nila sa iyang uyab nga si Kaila Estrada kun pananglitan makahukom na sila nga magpakasal .

Sa nitumaw nga hungihong  , giingong nagkantidad og P48 million ang maong balay . Duna pu’y nitumaw nga chika nga  nahimutang sa Taguig ang maong property.

Pabiling tak-om si Daniel sa maong nikatap nga taho.