Kampeon sa wakas
Bagong mukha ang JRU Heavy Bombers sa napasali sa listahan ng Filoil Ecooil Preseason Cup champions.
Humugot sila ng Cinderella run sa ilalim ni dating JRU King Bomber Nani Epondulan.
Giniba nila ang San Beda Red Lions, 74-69, para makumpleto ang sweet sweep. At marami ang natuwa sa kanilang surprise run na sumira sa usual order kung saan karaniwang UP, Ateneo, La Salle, NU at San Beda ang laging lumulutang sa itaas.
Ang challenge ngayon sa koponan na pinangungunahan ni Lawrence Mangubat eh patunayang totoo ang kanilang kisig sa NCAA.
Kasama sina Stephen Garupil, Jahmir Eligado at Allan Laurenaria na aasahan sumama sa rumble para sa NCAA crown kalaban ang usual contenders na San Beda, Letran at St. Benilde.
Hindi pa pinapanganak ang lahat ng kasalukuyang JRU players nang huling manalo ng NCAA championship ang Heavy Bombers noong 1972 – sa pangunguna ni cage great Philip Cezar.
Muli silang nakabalik sa finals 1999 at 2008, pero giba sa Letran Knights at San Beda Red Lions.
Dominante sila sa track and field kung saan sila eh three-peat champs.
Umaasa ang JRU community, hindi lang championship sa takbuhan ang makuha nila, pero sana sa centerpiece men’s basketball.
“We’re working on that. We’re working to get the guys ready physically and mentally,” ani Epondulan.
- Latest
