Opao Color Fun Run for Sta. Rosa De Lima gitakda sa Agosto 9
MANILA, Philippines — Andam na ang tanan alang sa Color Fun Run for Sta. Rosa De Lima karong Agosto 9 sa Barangay Opao, dakbayan sa Mandaue.
Adunay tulo ka kategoriya nga puydeng pagapilian ang mga runners - 3K, 5K o 10K. Ang rehistrasyon nagkantidad og P500 sa 3K, P600 sa 5K, ug P700 sa 10K apil na niini ang race bib, event shirt, ug post-race meal.
Kadtong interesado moapil ning fund-raising event nga gipasiugdahan ni Opao Barangay Captain Jojo Dizon ug konsehal Annalie Gepega gihatagan kutob lamang karong Martes, Agosto 4, aron magparehistro. Modawat pa hinoon ang mga organizers og on-site registrants sa adlaw sa lumba. Alang sa dugang detalye, mahimong mokontak sa 09297937356.
Ang mga mananaog makadawat og ganting salapi samtang adunay pa-raffle alang sa tanang partisipante.
Labaw sa tanan, ang kita ning kalihukan alang sa mahinungdanong kawsa idonar sa kapilya sa barangay nga gipahinungod kang Sta. Rosa De Lima.
- Latest
