Obrero dinukot sa Rizal, bangkay natagpuan sa Tarlac

MANILA, Philippines — Isang 34-anyos na napaulat na matagal nang nawawala matapos na dukutin sa isang lugar sa Rodriguez, Rizal ay natagpuang patay sa lalawigan ng Tarlac.

Ayon sa pulisya, alas-12:00 ng madaling araw noong Hunyo 2, 2026 nang inireport ng kapatid na si alyas “Edden”, ang pagkawala ng biktimang si alyas “Mansueto”, may-asawa, construction worker, at tubong Surigao Del Norte at residente ng Brgy. Gulod, Novaliches, Quezon City nang magtungo ito sa Rizal para makipagkita sa isang indibidwal.

Nitong Hunyo 21, nagawang mabuksan ng kapatid ang FB account ng biktima at doon natuklasan niya ang pagkakakilanlan ng huling ka-chat na isang alyas “Joshua” ng Rodriguez, Rizal.

Ibinunyag ni Joshua na galit ang mastermind sa pagiging police asset umano ng biktima sa ilegal na droga.

Bukod sa mastermind na residente ng Brgy. Bagong Barrio, Pandi, Bulacan ay pinaghahanap din sina alyas”Ed” at isang John Doe.