8-game losing skid tinapos ng Stags
MANILA, Philippines — Winakasan ng San Sebastian College-Recoletos ang kanilang kamalasan matapos ilusot ang 87-85 panalo sa Jose Rizal University sa second round ng NCAA Season 100 men’s basketball kahapon sa FilOil EcoOil Centre sa San Juan City.
Tinapos ng Stags ang eight-game losing skid para sa 3-8 marka kasosyo ang Heavy Bombers sa ilalim ng team standings.
Umiskor si PaengAre ng 28 points para banderahan ang Baste.
Sa unang laro, pumukol si Gab Cometa ng career-high 23 points para pamunuan ang College of Saint Benilde sa 100-77 pagpapasabog sa Arellano University.
Nagdagdag si Justine Sanchez ng 14 points at 10 rebounds, habang humakot si center Allen Liwag ng 12 markers, 6 rebounds at 5 assists para sa 9-2 baraha ng Blazers at solohin ang liderato.
Laglag ang Chiefs sa 3-8.
Binawian ng St. Benilde ang Arellano na tumalo sa kanila sa first round.
Pinamunuan ni Basti Valencia ang Chiefs sa kanyang 25 points.
- Latest
