James dadalhin 76ers sa NBA Finals

PHILADELPHIA — Kaagad sasalang si LeBron James suot ang uniporme ng 76ers sa kanilang season opener laban sa NBA champion New York Knicks sa Oktubre 20.

Lumagda ang 41-anyos na four-time champion sa isang two-year, $8 million deal noong Hulyo para maglaro sa Philadelphia na kargado ng mga All-Stars.

Kinuha ng 76ers si Jaylen Brown mula sa Boston Celtics para makatulong nina rising star V.J. Edgecombe, point guard Tyrese Maxey at center Joel Embiid.

Idinagdag din ng koponan si dating Portland Trail Blazers star guard Anfernee Simons.

“In order for us to be great, we have to do things that are just not comfortable. We have to be comfortable being uncomfortable,” ani James kahapon sa kanilang media day press conference.

“That is the best way to expedite being great. You have to fall in love with doing things that’s uncomfortable, and if we can do that, then we can be a great team,” dagdag ng dating Los Angeles Lakers superstar.

Iniwan ni James ang Lakers matapos ang walong taong paglalaro.

Una siyang sumabak sa NBA para sa Cleveland Cavaliers bago lumipat sa Miami Heat kung saan siya nanalo ng dalawang kampeonato.