Bianca mitubag na sa “spoiled brat” issue

CEBU, Philippines — Gitubag na sa  Kapamilya actress nga si Bianca de Vera ang dugay na nga pasangil sa iyang bashers nga usa siya ka “spoiled brat.”

Dugay na siya giingnan sa iyang mga kritiko nga matud pa nagdako siya nga nagsalig lamang sa iyang pamilya.

Matud ni Bianca, sayop alang kaniya ang maong panan-aw tungod kay isip usa ka anak, naningkamot siya nga mahimong independente sa pinansyal nga aspeto.

Gitataw sa aktres nga siya mismo ang nagbayad sa iyang mga panginahanglonon .

Liza gisurpresa nila Kris ug mga anak

Nagkahimamatay og balik sila  Kris Aquino, iyang mga anak nga sila Josh ug Bimby, ug First Lady Liza Araneta-Marcos atol sa ilang pasiuna nga  pagselebrar sa birthday sa First Lady.  Nagpasalamat ang kapikas sa presidente  ngadto kang Kris, Josh ug Bimby alang sa ilang espesyal ug makahuluganon nga birthday surprise.

“Thank you Kris, Josh & Bimby for the lovely advanced birthday cakes! Such a thoughtful surprise that truly warmed my heart. Feeling very blessed,” Facebook post sa First Lady.  Kahinumdoman nga nagkakita na sila kaniadto sa pipila ka mga okasyon. Kaliwat sila Kris ug First Lady Liza sa habig sa ilang mga apohan.

Viva stars gihangop sa mga Sugbuanon

Kilig overload! . Mao kini ang nasinati sa mga Sugbuanon nga nitambong sa Vivarkada Mall Show sa Robinsons Galleria Cebu sa niaging adlaw .

Midalit og kalingawan ang mga  bida sa Viva One series nga “My Husband Is a Mafia Boss” ug “Dating Alys Perez” . Gipakilig nila Rhen Escaño ug Joseph Marco ang  audience.

Atol sa media conference , gibutyag sa duha nga komportable kaayo sila sa ilang tandem sa “My Husband Is a Mafia Boss”  kun diin nilutaw gyud ang ilang chemistry .

Giabibahan usab og maayo sa mga Sugbuanon ang paglugwa sa upat ka bida sa “Dating Alys Perez” nga sila Angela Muji, Rabin Angeles, Zeke Polina ug Mico Chua.

Sa maong serye , mibalik sa ilang lugar si Alys Perez aron hatagan og bag-ong direksiyon ang iyang kinabuhi uban ni Tripp.

Apan  napalaw  ang iyang plano sa pagbalik sa iyang ex nga si Drake Palma. Ug dinhi na magsugod ang komplikasyon, kay kung ang ex mobalik, dili malikayan ang mga pangutana, kasakit ug mga pagbati nga dugay nang gitago.

Mapasalamaton sila Angela ug Rabin sa mga Sugbuanon sa mainitong  pagsuporta niini sa ilang mga proyekto.

Lani gikantahan sa BINI

Usa si Lani Misalucha sa mga nitan- aw sa   “Signals” World Tour sa BINI didto sa Las Vegas . Ang Las Vegas maoy ikatulong destinasyon sa North American leg sa “Signals” World Tour .Sa hinapos nga bahin sa konsyerto , gi-acknowledge sa BINI leader nga si Jhoanna ang presensya ni Lani. Isip paghatag og espesyal nga pasidungog sa OPM icon, mikanta ang BINI og mubo nga bahin sa sikat nga kanta ni Lani nga “Bukas na Lang Kita Mamahalin.”

Pasok sa Top 10

Puwerting lipaya ni Coco Martin gumikan kay ang karaan niya pelikula nga “Ang Panday” kay kasamtangang nakasulod  sa Top 10 Movies sa Netflix Philippines .Ang “Ang Panday”  kay usa   ka 2017 Metro Manila Film Festival entry nga gibidahan ni Coco ug siya usab ang nagsilbi nga direktor . “Salamat sa bawat stream, share, at suporta. Patuloy ninyong pinapatunayan na buhay na buhay pa rin ang aksyon at alamat. Keep on streaming! Maraming salamat po! ,” suma pa ni Coco.

Pickleball

Nisakay na pud sa kauso  sa  pickleball ang aktor nga si Marco Gumabao.  Nag-negosyo ang aktor og 24/7 indoor pickleball facility sa Marikina City ug kaabag niya ang iyang mga higala .

Vice mipalag sa fake news

Mialma si Unkabogable Star Vice Ganda sa nikatap nga taho  kalabot sa iyang pipila ka adlaw nga pagkawala sa noontime show  nga “It’s Showtime.”

Giklaro mismo ni Vice nga wala siya gisuspenso  ug gitambagan niya ang mga tawo nga dili magpadala sa fake news .

Suma pa sa komedyante, nga igo  ra siya nibakasyon.

“Kaya no’ng nasa bakasyon ako, gusto ko nang pumasok. Pero bakasyon po ’yun ah, hindi suspension. Echosera itong mga fake news na ’to,” ni Vice pa.