P7.4 milyong shabu nasakmit
CEBU, Philippines — Mokabat P7.4 milyones nga gidudahang shabu ang nasakmit ug duha ka drug personalities ang nadakpan sa duh aka buwag nga buybust operation sa mga sakop sa Philippine Drug Enforcement Agency-7 (PDEA-7) ug Philippine National Police Drug Enforcement Group Special Operations Unit 7 (PNP DEG SOU7) kagahapong adlawa ug niadtong Huwebes sa gabii.
Sa operasyon kagahapon sa Sitio Proper, Barangay Ermita, Cebu City, nadakpan sa mga sakop sa PDEA-7 ang usa ka giingong construction contractor human siya napalitan og illegal nga drugas.
Nakuha gikan sa suspek ang gibanabanang 550 gramo nga gidudahang shabu nga nagkantidad og P3.74 million.
Samtang sa laing operasyon, nadakpan ang regional-level HVI ug nasakmit ang balor P4.08 milyones nga gidudahang shabu sa dakbayan sa Mandaue.
Gilusad ang operasyon sa Mandaue City Police Office (MCPO) ug Philippine Drug Enforcement Agency-7 (PDEA-7) diha sa F.E. Zuellig Ave., Barangay Subangdaku Huwebes sa gabii, Agosto 6.
Ang suspetsado mao si alyas "Tata," 31, residente sa Aznar St., Sitio Tangkongan, Barangay Sambag 1, Cebu City.
Nasakmit ang 18 ka paketeng gidudahang shabu nga gibana-banang 600 ka gramo. Ang suspek gikatahong makabaligya og usa ka kilong shabu matag semana sa Cebu City, Mandaue City ug Cordova.
Sa interbyu sa The Freeman /Banat News Team, miingon si alyas "Tata" nga niadtong Mayo pa siya nasulod niini ilegal nga droga isip tighatud bugti sa P10,000 nga suhol matag transaksyon. IBM BANAT NEWS
- Latest
