Pangulong Marcos, gabinete, agency heads Senado at Kamara umangat – survey
MANILA, Philippines — Umangat ang ratings sa isinagawang “Boses ng Bayan” survey ng RPMD Foundation Inc. (RPMD) si Pang. Bongbong Marcos Jr., mga opisyal ng Gabinete, ahensiya ng pamahalaan, Senado at Kamara.
Sa isinagawa survey ng RPMD mula Hulyo 12 hanggang 19, 2026 ay nakakuha si Pangulong Marcos ng 55.1% Index of Governance (IOG), mula sa 54.5% trust at 55.8% job performance.
Kumpara noong Mayo 2026, umangat nang 2.3 puntos ang IOG ni PBBM, 2.4 puntos ang trust at 2.3 puntos ang performance.
Ayon kay Dr. Paul Martinez, RPMD global affairs at political analyst, ipinakikita nito ang lumalakas na suporta, ngunit mananatiling nakasalalay ang tiwala ng publiko sa konkretong pagbuti ng presyo ng pagkain, trabaho, serbisyo, imprastraktura, peace and order at halaga ng pamumuhay.
Sa Gabinete,nanguna si DSWD Sec. Rex Gatchalian (88.2%); DepEd Sec. Sonny Angara (86.9%); DILG Sec. Jonvic Remulla (86.6%); DOJ Sec.Fredderick Vida (85.7%); DND Sec. Gibo Teodoro (85.2%) at DPWH Sec. Vince Dizon (84.9%).
Sa agency heads,nanguna si Ombudsman Boying Remulla (90.3%); NBI Director Melvin Matibag (88.5%); TESDA Director General Kiko Benitez (87.6%); Customs Comm. Ariel Nepomuceno (86.8%); at AFP Chief Gen. Romeo Brawner Jr.(86.6%).
Nagtala si Speaker Bojie Dy III ng 59.9% IOG, habang umabot sa 63.8% ang House. Si Senate President Win Gatchalian ay nakakuha ng 47.1% IOG, habang 41.6% ang Senate.
Sina House Majority Leader Sandro Marcos (89.3%); at Senate Majority Leader Migz Zubiri (87.3%) ang top-performing at most trusted congressional leaders.
- Latest
