Nagduwa sa kinatawo

CEBU, Philippines — Nireklamo sa Mambaling Police Station ang usa ka 21-anyos nga babaye human giingong giatbangan og usa ka lalaki nga nagduwa sa kinatawo diha sa Alaska, Barangay Mambaling, Cebu City, alas-4 sa kaadlawon samtang padulong siya sa mag-hiking.

Matud sa biktima, abi niya og aksidente lang nga nasangit sa lalaki ang iyang dughan ug nagtuo pa gani siyang nangihi lamang kini.

Apan paglingi niya nakurat siya sa nakita nga ang lalaki nagduwa diay sa kinatawo samtang nagsige og tutok kaniya.

Giingon sa biktima nga gisulayan unta niyang hapak ang lalaki gamit ang iyang tumbler apan nakapalayo na kini.

Tungod niini, midiretso siya sa Mambaling Police Station aron ipahibalo ang nahitabo.

Didto nahibaw-an niya gikan sa mga pulis ngta dili lang siya ang nabiktima sa suspek. Aduna na usab mga kaparehong reklamo silang nadawat may kalabotan sa maong lalaki.

Matud pa sa mga residente, kasagarang magtambay ang lalaki daplin sa highway sa Alaska, Mambaling.

Usahay mosunod-sunod ni sa mga bata nga moagi sa maong lugar, ilabina sa agianan paingon sa ubos sa hagdanan sa Jai Alai.

Wala mailhi sa biktima ang suspek apan sumala sa pipila ka tawo nga nakaila sa sila sa dagway niini  apan wala pa kini gikumpirma sa kapulisan.

Nagpadayon karon ang Mambaling Police Station sa pagpangita sa maong lalaki. (BANAT NEWS)