Sexy actress, maligaya sa foreigner

Martir din sa pag-ibig ang isang dating sexy actress na naging bahagi ng isang girl dance group!

Paminsan-minsan eh napapanood pa rin sa TV ang sexy actress pero madalas na kontrabida ang role niya.

Meron namang naipundar na negosyo si sexy star. Eh hiwalay na rin naman kasi siya sa una niyang dyowa kaya sariling sikap ang ginagawa!

Pero meron siyang ka-partner ngayon na foreigner. Kasundo niya ito at tumutulong sa negosyo niya kasi walang permanenteng trabaho!

Ang gustung-gusto niya sa partner, magaling daw sa kama, huh! Walang pakialam si sexy actress kung sabihan siyang martir basta ang mahalaga, satisfied daw ng partner ang gusto niya ‘pag sila eh nasa kama!

Gian Bernardino, sasabak sa ibang mundo

Bagong milestone ang tatahakin ng soloista ng grupong Cup of Joe na si Gian Bernardino!

Pumirma si Gian as solo artist under Viva Artists Agency (VAA) at magiging artist na rin siya ng Viva Films.

Malaki ang naging bahagi ni Gian sa sikat na OPM band na Cup of Joe na nagpasikat ng kantang Estranghero, Tingin, Misteryoso, Sandali at ang mega hit nilang Multo na may 600 million streams sa Spotify as of this writing.

Of course, super super successful din ang ginawa nilang concerts na ang latest ay ang Sandali: Cup of Joe Fest sa Philippine Sports Arena sa Bulacan.

Bukod sa music, bumida rin si Gian sa digital series na Quaranthings: The Series, short films na Kubli at Microplastics at ibang music videos. Siya rin ang director ng music video na Sino ang Tanga ni Maris Racal.

Sa pagpirma ni Gian sa VAA, handa na siyang ipamalas ang versatility niya sa different fields through VAA at Viva Films.