Polis namatay human nag-checkpoint
CEBU, Philippines — Usa ka bagitong pulis ang kalit nga namatay samtang nag-duty atol sa gipahigayong checkpoint sa MJ Cuenco Avenue, Barangay T. Padilla, alas 3:12 sa kadlawon niadtong Lunes, Hunyo 22, 2026.
Ang namatay giila nga si Patrolman Christian Jay Palon, 28, nadestino sa Pari-an Police Station 1 sa Cebu City Police Office (CCPO). Lumad siya sa Siaton, Negros Oriental.
Sumala sa inisyal nga imbestigasyon sa Pari-an Police Station human sa ilang checkpoint sa lugar nipahuway si Palon kay giingong gikapoy kini ug galisod og ginhawa, gihatagan pa siya og tubig sa iyang mga kauban apan kalit siyang natumba gikan sa bangko nga iyang gilingkoran.
Dali siyang gitabang ug gidala sa Cebu City Medical Center (CCMC) apan gideklarar nga patay na. Base sa unang assessment sa mga otoridad, posibleng cardiac arrest ang hinungdan sa iyang kamatayon.— IBM BANAT NEWS
- Latest
