Wanted na kawatan arestado
27 taong nagtago
MANILA, Philippines — Nasakote ng mga operatiba ng Quezon City Police District (QCPD), ang 45-anyos na wanted sa kasong robbery sa lungsod na 27 taong nagtago.
Ayon kay QCPD Director PBGen Randy Glenn Silvio, si alyas “Ariston”, 45, residente ng San Lorenzo, Pililia, Rizal na nadakip ay may nakabinbing Warrant of Arrest (WOA) sa kasong Robbery sa ilalim ng Article 293 ng Revised Penal Code, na inisyu ng Branch 107, Regional Trial Court (RTC), Quezon City.
Si Ariston na No. 9 wanted ay naaresto ng mga operatiba ng Holy Spirit Police Station (PS 14), sa pamumuno ni PLt. Col. Wilfredo Fabros matapos magtago sa loob ng 27-taon.
Sa pamamagitan ng pinaigting na intelligence gathering at patuloy na pagsubaybay, nakakuha ng impormasyon ang mga operatiba ng PS 14 sa kinaroroonan ng suspek, na nagresulta sa kanyang pagkakaaresto.
“This successful arrest demonstrates our firm commitment in ensuring that no offender can evade the law indefinitely. Through sustained intelligence efforts and coordinated operations, we will continue to pursue wanted persons and uphold justice for the victims of crime,” ani Silvio.
- Latest
