Knicks nakatutok sa 2-0 lead
SAN ANTONIO - Malaki ang naging papel ni veteran center Karl-Anthony Towns sa paglimita kay Spurs superstar center Victor Wembanyama sa 105-95 panalo ng New York Knicks sa Game 1 ng NBA Finals.
Nilimitahan ng 7-foot-1 na si Towns ang 7’4 na si Wembanyama sa mababang 30 percent field goal shooting para kunin ang 1-0 lead sa kanilang best-of-seven championship series.
“It’s all about coming together and figuring out what we have to do to be better,” ani star point guard Jalen Brunson. “The chemistry that we have is still continuing to grow and that allows us to play better.”
Pipilitin ng New York na maidiretso sa 13 ang kanilang ratsada sa playoff games sa pagsagupa sa San Antonio sa Game 2.
Inaasahang muling babantayan ni Towns ang 22-anyos na si Wembanyama.
“Whatever the team needs me to do to impact winning and to help us get over the hump, I’m willing to do,” wika ni Towns sa pagdedepensa niya sa Frenchman.
Bukod kina Brunson at Towns, muli ring huhugot ng puwersa ang Knicks kay guard Josh Hart.
Samantala, wala namang ibang nasa isip ang Spurs kundi ang makatabla sa serye.
“So that’s on us. After that, that’s an experienced team, they know how to play with momentum. We had the momentum until late in that game. That’s why I said we let that one go,” wika ni Wembanyama.
Isa sa mga tututukan ng San Antonio ay ang offensive rebound kung saan nakalamang ang New York sa fourth quarter ng kanilang series opener.
Maliban kay Wembanyama, muli ring sasandalan ng Spurs sina Fil-Am guard Dylan Harper, Stephon Castle at Devin Vassell.
- Latest
