DOTr: MRT-7 may 14 na istasyon
MANILA, Philippines — Nilinaw kahapon ng Department of Transportation (DOTr) na magkakaroon pa rin ng 14 na istasyon ang Metro Rail Transit Line 7 (MRT-7).
Ang paglilinaw ay ginawa ng DOTr kaugnay ng mga kumakalat na ulat na magiging 13 na lamang ang istasyon ng MRT-7.
Dagdag pa ng ahensiya, ang San Jose del Monte (SJDM) Station ay nananatiling bahagi ng MRT-7 project at hindi pa rin inaalis mula sa inaprubahang alignment.
Idinagdag pa nito na ang inisyal na 12 istasyon ng MRT-3 mula sa Sacred Heart hanggang sa North Avenue ay target nilang masimulang mag-operate sa ikalawang bahagi ng 2027, alinsunod na rin sa direktiba ni Pang. Ferdinand “Bongbong” Marcos Jr. na madaliin ang konstraksiyon ng infrastructure projects para sa mga commuters.
Samantala, ang dalawa pang MRT-7 stations, kabilang ang Tala at SJDM stations, na inaasahang matatapos at mabubuksan naman sa 2028.
- Latest
