Spurs vs Knicks sa NBA finale
OKLAHOMA CITY -- Ang San Antonio Spurs ang sasagupa sa New York Knicks sa NBA Finals.
Ito ay matapos sibakin ng Spurs ang Thunder, 111-103, sa Game 7 para tapusin ang kanilang Western Conference best-of-seven championship series sa 4-3.
Kumamada si Victor Wembanyama ng 22 points habang may 20 markers si Julian Champagnie tampok ang anim na three-point shots para sa muling pagpasok ng San Antonio sa NBA Finals matapos noong 2014.
Nagdagdag si Stephon Castle ng 16 points at may 15, 12 at tig-11 markers sina De’Aaron Fox, Fil-Am Dylan Harper, Keldon Johnson at Devin Vassell, ayon sa pagkakasunod.
“We want four more,” sabi ng 7-foot-4 na si Wembanyama. “We’re not done.”
Sisimulan ng Spurs at Knicks ang Game One ng kanilang best-of-seven championship series sa Huwebes sa New York City.
Nauna nang winalis ng Knicks ang Cleveland Cavaliers, 4-0, sa kanilang Eastern Conference finals showdown.
Pinamunuan ni Shai Gilgeous-Alexander ang Oklahoma City sa kanyang 35 points kasunod ang 17 markers ni Cason Wallace at tig-12 points nina Jared McCain at Alex Caruso.
“Winning an NBA championship is very hard in itself to do one time,” ani Gilgeous-Alexander na iginiya ang OKC sa NBA crown noong 2025 laban sa Indiana Pacers. “So to do it all over again would just only make it harder.”
Ang supalpal ni Luke Kornet kay Oklahoma City big man Isaiah Hartenstein ang pumigil sa pagdikit ng Thunder sa four-point deficit sa krusyal na bahagi ng fourth period.
- Latest
