Korte aprub na cyber warrant vs gadgets ni Mabanta
MANILA, Philippines — Tahasan sinabi ni National Bureau of Investigation (NBI) Director Melvin Matibag na aprubado na ng korte ang hiling nila na mabuksan ang mga gadgets ni Peanut Gallery Media Network founder/CEO Franco Mabanta na magbibigay-daan sa pagtukoy sa naging ugnayan sa mga pulitiko at personalidad.
Ayon kay Matibag, inaprubahan ng Pasig court ang inihain nilang cyber warrant para legal ang pagsusuri nila sa mga gadget at devices na kinumpiska noong arestuhin si Mabanta at apat na iba pa.
“Legally, we can obtain information, videos, pictures, text messages, text logs, lahat po. So ‘yung mga nakausap niya, kung sino man mga kinausap niyang personality, we will have access to that, malalaman po namin,” ani Matibag.
Nais matiyak ng NBI na makakuha ng mga impormasyon sa mga gadgets na maaaring magpatunay na mayroong “reasonable certainty of conviction” sa isinampang kaso sa mga suspek na dinakip kaugnay sa reklamong P300 milyon robbery extortion na inihain ni dating House Speaker Martin Romualdez.
Nanawagan si Matibag sa iba pang nais magharap ng reklamo laban kay Mabanta o sa kabuuan ng PGMN.
- Latest
