Wanted na carnap suspect, tiklo sa HPG
MANILA, Philippines — Naaresto ng Philippine National Police – Highway Patrol Group ang isang lalaking wanted sa kasong carnapping sa isinagawang joint intelligence-driven manhunt operation sa Caloocan City nitong Sabado.
Batay sa imbestigasyon, ang suspek na isang 31-anyos na driver at residente ng Malabon City, ay inaresto sa bisa ng warrant of arrest dahil sa paglabag sa Republic Act No. 10883 o “New Anti-Carnapping Act of 2016”.
Inisyu ang warrant noong Mayo 11, 2026 ni Hon. Josephine Z. Fernandez ng Regional Trial Court Branch 76 sa San Mateo kaugnay ng Criminal Case No. 35876-26-SMR. Itinakda naman sa P300,000 ang inirekomendang piyansa ng akusado.
Ayon sa PNP-HPG, naganap ang operasyon bandang alas-6:30 ng gabi sa Brgy. 80, Caloocan City sa pangunguna ng PHPT Benguet Tracker Team katuwang ang RHQ Intelligence personnel at mga tauhan ng Caloocan City Police Station.
Kasalukuyang sumasailalim sa documentation at processing ang naarestong suspek sa Caloocan City Police Station bago ito i-turnover sa korte na naglabas ng warrant.
Binigyan-diin ni HPG Director PBGen. Rommel S. Batangan ang kahalagahan ng tuluy-tuloy na intelligence-driven operations laban sa mga sangkot sa carnapping at iba pang krimeng may kaugnayan sa sasakyan.
- Latest
