Top 2 most wanted sa Marikina, binitbit
MANILA, Philippines — Kalaboso ang isang 51-anyos na lalaking umabuso sa 12-anyos na dalagita nang matunton sa lalawigan ng Barangay Aurora West, Diffun, Quirino province ng mga tauhan ng Marikina City Police Station, noong Mayo 14.
Sa manhunt operation, dakong alas-4:30 ng hapon nang arestuhin ang suspek na si alyas “Ermi”, residente ng Brgy. Malanday, Marikina City, na top 2 most wanted person ng Marikina CPS at may warrant of arrest mula sa Presiding Judge ng Family Court Branch 7, Marikina City, sa kasong Qualified Anti-Human Trafficking, Section 4-A, kaugnay ng Section 6(A) ng Republic Act 9208, at Acts of Lasciviousness o Republic Act 7610.
Ang suspek ay sinampahan ng reklamo ng lola ng biktima dahil sa pagdadala sa kanyang apo sa isang river park, kung saan naganap ang pang-aabuso.
Bukod pa rito, sinubukang ipasok sa motel ang biktima ngunit hindi sila pinapasok ng mga staff.
- Latest
