Chavit dismayado sa Senado
MANILA, Philippines — Nagpahayag ng pagkadismaya sa Senado si dating Ilocos Sur Governor Luis “Chavit” Singson matapos na hindi siya payagan na makapagsumite ng kanyang affidavit para sa kanyang nalalaman sa umano’y ghost project sa ilang lugar sa bansa.
Sa ginanap na press conference, sinabi ni Singson na inabisuhan siya ni Senate President Panfilo Lacson noong Marso 25 na magsumite ng kanyang affidavit at document sa Abril 7.
Sinabi ni Singson na alas-9 ng umaga ng Abril 7 nang magtungo siya sa Yatch Club habang hinihintay ang orasa ng kanyang pagtungo sa Senado.
Laking gulat na lamang niya nang abisuhan siya na kanselado ang kanyang appointment.
Bunsod nito, nanawagan si Singson sa publiko na magkaisa at puwersahin ang pamahalaan na kasuhan ang mga sangkot sa flood control kung talagang sinsero ang pamahalaan na wakasan ang korapsiyon.
Binigyan diin din ni Singson na tikom na rin ang bibig, ng Senado, Kongreso, Independent Commission for Infrastructure (ICI) at Ombudsman sa imbestigasyon sa flood control.
- Latest
