P19/L rollback sa diesel, P3 sa gasolina sa Martes

MANILA, Philippines — Gagaan nang kaunti ang pasanin sa gastusin sa petrolyo ng mga motorista sa susunod na linggo.

Ito ay makaraang ianunsyo ng mga oil players na magkakaroon ng pagbaba sa halaga ng diesel mula P17.00 hanggang P19.00 kada litro at nasa P2.00 hangang P3.00 kada litro tapyas sa kada litro ng gasolina.

Nabatid na ang galaw sa presyuhan ng petrolyo ay dulot ng Mean of Platts Singapore (MOPS) ­trading sa nagdaang apat na araw at foreign exchange averages.

Ang tapyas presyo sa petrolyo ay pormal na iaanunsyo sa darating na lunes April 20 at ipatutupad kinabukasan, martes, April 21.