11 luxury vehicles, ipasusubasta ng BOC
MANILA, Philippines — Nasa 11 pang luxury vehicles ang nakatakdang isalang ng Bureau of Customs (BOC) sa public auction sa Marso 27.
Batay sa social media post ng BOC, nabatid na kabilang sa mga luxury vehicles na isusubasta ay ang Rolls-Royce Cullinan 2021, na may floor price na P33,753,078.05; Bentley Continental 2021 na may floor price na P27,117,084.15; Mercedes Benz S680 Maybach 2023 na may floor price na P12,116,938.78; BMW X6 2023 na may floor price na P8,808,106.39; at Jeep Wrangler 2021 na may floor price na P2,759,168.63.
Io-auction din ang Lexus ES 2019 na may floor price na P2,697,407.97; Ferrari SF90 Stradale (Mansory) 2024 na may floor price na P54,293,101.18; Rolls Royce Phantom 2023 na may floor price na P31,928,749.31; Mercedes Benz G650 V12 BI Turbo 2022 na may floor price na P79,202,988.71; BMW XM 2024 na may floor price na P9,862,810.20; at Lexus LX570 2018 na may floor price na P3,457,463.95.
Ayon sa BOC, ang naturang luxury vehicles, na may total floor price na P265,996,987.32, ay ipasusubasta nila sa pamamagitan ng sealed bidding, na idaraos sa POM Conference Room, BOC, Port Area, dakong alas-10:00 ng umaga.
Inaanyayahan naman ng BOC ang mga interested buyers na dumalo sa tatlong araw na public viewing ng mga sasakyan sa POM grounds sa Marso 19, 20, at 23. Ayon sa BOC, ang huling araw nang pagsusumite ng mga rekisitos para sa lahat ng bidders ay sa Marso 23.
- Latest
