‘Sagip Presyo’ act inihain sa kamara
MANILA, Philippines — Para pababain presyo ng petrolyo Kasabay ng sunud-sunod na pagtataas ng presyo ng petrolyo, inihain ni Caloocan City 2nd District Representative Edgar “Egay” Eric, ang House Bill No. 8494 o ang “Strategic Automatic Government Intervention for Petroleum Price Stabilization (SAGIP PRESYO) Act”, na naglalayong magpatupad ng awtomatikong mekanismo upang maprotektahan ang mga Pilipino laban sa matinding pagtaas ng presyo ng langis sa pandaigdigang merkado.
Magkakaroon ng malinaw at awtomatikong hakbang ang pamahalaan upang mapagaan ang epekto ng pagtaas ng presyo ng petrolyo sa mga motorista, manggagawa, negosyo, at sa pangkalahatang ekonomiya ng bansa.
Ayon kay Erice, mahalagang magkaroon ng agarang tugon ang pamahalaan tuwing may krisis sa presyo ng langis upang hindi na lalong mabigatan ang mga mamamayan sa tumataas na gastos sa transportasyon at bilihin.
Sa ilalim ng House Bill No. 8494, kapag umabot sa $80 per barrel ang presyo ng krudo, awtomatikong suspendido ang excise tax sa petrolyo upang mapababa ang presyo ng gasolina at diesel; kapag umabot sa $100 per barrel, suspendido rin ang Value Added Tax (VAT) sa petrolyo upang higit pang mapagaan ang pasanin ng mga mamimili at kapag umabot sa $140 per barrel, magbibigay ang pamahalaan ng 10% subsidy sa retail pump price ng petrolyo na direktang mararamdaman ng publiko sa mga gasolinahan.
- Latest
