Paslit lunod sa pool ng barangay
MANILA, Philippines — Isang batang lalaki ang namatay matapos tumalon sa recreational pool ng isang barangay sa Quezon City nitong Biyernes ng madaling araw.
Batay sa ulat ng Criminal Investigation Quezon City Police District , alas- 4:16 ng madaling araw nang matagpuan ang biktimang si alyas MD, 2-anyos, na nakalutang sa recreational pool sa loob ng Barangay Hall compound ng Nagkaisang Nayon, sa Banahaw St., Novaliches, Quezon City.
Nabatid na huling nakitang natutulog ang bata ng kanyang ina na si Melody bandang 1:00 ng madaling araw, matapos silang dumalo sa birthday party ng kaibigan sa South St., Don Enrique Subdivision, Nagkaisang Nayon, malapit lamang sa nasabing barangay.
Napag-alaman na papakainin sana ni Jesse, isang fire volunteer ang kanyang aso malapit sa pool nang mapansin ang biktima na lumulutang sa pool.
Agad na iniahon ang bata sa swimming pool at inireport ang insidente sa duty Emergency Response Team ng Barangay Sangandaan. Isinugod ang biktima sa Novaliches District Hospital subalit idineklara na itong dead on arrival.
- Latest
