Rolls-Royce Cullinan ng mga Discaya, nabili na
MANILA, Philippines — May nakabili na ng kontrobersiyal na luxury vehicle na Rolls-Royce Cullinan (2013) na pagmamay-ari ng mag-asawang kontratistang sina Curlee at Sarah Discaya.
Ito naman ang kinumpirma ng Bureauf of Customs sa ikatlong public auction na isinagawa kahapon.
Tanging ang Rolls-Royce Cullinan (2013) lamang ang nabenta ng BOC sa Baguio-based theme park na Igorot Stone Kingdom Inc. sa bid price na P29,026,000, kumpara sa floor price nito na P29,025,132.58.
Ayon kay Igorot Stone Kingdom founder at CEO Pio Velasco, binili nila ang sasakyan upang maipreserba ang kasaysayan. Plano aniya nila itong i-display para sa public viewing.
Matatandaang naging kontrobersiyal ang behikulo nang sabihin ni Sarah na binili niya ito sa halagang P42 milyon matapos na magandahan sa payong.
- Latest
