7K trabaho, pangkabuhayan handog ng Malabon LGU
MANILA, Philippines — Inilunsad na ng Malabon LGU ang kauna-unahang Mega Job Fair and Livelihood Skills Training kung saan 46 na kompanya ang magbibigay ng pagkakataon sa Malabueños na makapagtrabaho.
Ayon kay Malabon Mayor Jeannie Sandoval, isinagawa ang job fair sa Malabon City Square upang matulungan ang mga residente na makahanap ng trabaho na alok ng 40 local at anim na overseas companies. Nasa higit 7,000 trabaho ang naghihintay sa mga job seekers.
Ani Sandoval, agad siyang nakipag-ugnayan sa Trabaho Partylist upang mailunsad ang programa at masiguro na makahahanap ng trabaho ang mga aplikante.
Kabilang sa mga trabaho na inaalok sa job fair ay brand ambassadors, machine operators, clerks, production workers, engineers, electricians, helpers, customer service representatives, drivers, delivery crews, merchandisers, nurse, encoders iba pang office o skill-based jobs at mga trabaho ng para sa mga seafarers.
“Bagong taon, bagong pag-asa para sa mga kababayan nating nagnanais na mapabuti ang kanilang pamumuhay. Handa ang pamahalaang lungsod ng Malabon na tumulong upang palakasin ang kabuhayan para sa ating mga kababayan,” ayon naman kay City Administrator Dr. Alexander Rosete.
- Latest
