Pasahero ng MRT-3 na tumakbo at umakyat sa footbridge, binitbit

MANILA, Philippines — Arestado ang isang lalaki matapos tumalon at tumakbo sa riles patungo sa kasunod na MRT station, sa bahagi ng Ortigas, Pasig City, noong Biyernes.
Nakapiit na ang ‘di pinangalanang lalaki sa Wack-Wack Police Station 3 ng Pasig City Police Station habang nahaharap sa reklamong alarm and scandal at resisting arrest.
Ayon sa ulat, sinabi ng MRT-3 Safety and Security Unit (SSU) na ang lalaki ay bumili ng tiket pa-norte ngunit pagdating sa platform, bigla siyang tumakbo at tumalon sa riles at tumakbo sa patungo sa Shaw Boulevard Station.
Pagsapit sa tapat ng isang mall ay umakyat ito sa bagong gawang footbridge, kung saan siya inabutan at inaresto ala-1:05 ng hapon ng Disyembre 26.
Nagpapalag pa siya dahilan upang sampahan ng reklamo ng pamunuan ng MRT-3.
- Latest


















