Bilis Kilos Action Center ng Maynila, bukas na
Para sa reklamo, suhestiyon
MANILA, Philippines — Pinangunahan ni Manila Mayor Francisco Isko Moreno Domagoso ang pagbubukas ng Bilis Kilos Action Center na tatanggap ng mga reklamo at suhestiyon ng mga Manilenyo.
Ayon kay Domagoso, ang BKAC ay magsisilbing sumbungan ng Manilenyo sa kanilang pagkikipagtransaksiyon sa city hall o saan man sa pampublikong lugar sa lungsod.
Sa pamamagitan aniya ng action center matutukoy ang mga gumagawa ng anomalya, bastos at nagsasamantalang mga kawani ng city government.
Magkakaroon ng QR Code kaya hindi malalaman ng department head o hepe ng isang tanggapan na may nagrereklamo laban sa kanya.
“Lahat ng reklamo ay tatanggapin at dyan babagsak. Basura, traffic lights, drainage lahat yan aaksiyunan” anang alkalde.
Tiniyak ni Domagoso na confidential ang lahat ng impormasyon na kanilang matatanggap na dadaan pa rin sa beripikasyon.
Ang BKAC ay pinamamahalaan ni Anita Tubera sa ilalim ng Office of the Mayor.
- Latest
