9 O’clock prayer habit vs. corruption, inilunsad ng CARE

MANILA, Philippines — Inilunsad ng Catholic Advocates for Responsible Electorate (CARE) ang “Prayer Warriors Against Corruption”, sa Club Filipino sa San Juan nitong Biyernes ng umaga, Nobyembre 21.

Ang layunin ng nationwide campaign ay para pag-isahin ang bansa sa pananalangin para sa bayan.

Ayon kay Atty. John Castriciones, convenor ng CARE at dating Department of Agrarian Reform Secretary, kanilang inilunsad ang 9 am habit kung saan, hinihikayat ang bawat Parokya at Komunidad na lumahok.

Kasama ni Castriciones bilang pannelists sina Reverend Father Jerome Secillano, Rev.Fr. Anton CT Pascual, at Bishop Honesto Ongtioco.

Naniniwala kasi si Castriciones sa kapangyarihan ng panalangin para sa panawagan ng katarungan sa nangyayaring katiwalian sa bansa. Kabilang sa intensyon ng panalangin para sa bansa ang pagkakamit ng katotohanan, katarungan at pananagutan lalo’t ang mga mahihirap ang siyang nagdurusa dahil sa mga anomalya sa flood control projects.

Samantala, mayroon din silang social media campaign hashtag na #PrayerWarriorsAgainstCorruption para palakasin ang kanilang panawagan at mamahagi rin sila ng rosary baller.