Babaeng nurse, bf natagpuang patay, hubo’t hubad

MANILA, Philippines — Isang babaeng nurse at boyfriend nito ang natagpuang patay at hubo’t hubad sa loob ng bahay sa Quezon City.

Sa report ng  Criminal Investigation and Detection Unit - Quezon City Police District (CIDU-QCPD), natagpuang wala ng buhay sina  alyas “Lia”, 39 at alyas “Vin” 33 bandang alas-8 ng umaga nitong Nobyembre 9  sa Brgy. Bahay Toro, ng nabanggit na lungsod.

Bago ito nabatid na  nakipag-inuman pa ang mga biktima sa kanilang bisita upang ipagdiwang kaarawan ni alyas “Lia”.

Bandang alas-10 ng gabi ng umalis ang mga bisita hanggang sa  tawagan ng kanyang kaanak si alyas Vin na hindi sumasagot sa cellphone.

Dito ay napilitan ang kaanak ni alyas Lia na puntahan ito sa nasabing address kung saan tumambad ang bangkay ng dalawa.

Patuloy na iniimbestigahan ang kaso.