Emergency Operations Center ng MMDA binuksan
MANILA, Philippines — Muling binuksan ng Metropolitan Manila Development Authority (MMDA) ang Emergency Operations Center nito na matatagpuan sa Pasig City, bilang paghahanda sa epektong idudulot ng bagyong Uwan na posibleng maging super typhoon.
Sinabi ni Atty. Crisanto Saruca, officer-in-charge ng MMDA Public Safety Office, inaasahang magdudulot ng pagbaha ang paparating na malakas na bagyo.
“So, kagaya po ng dating paghahanda, binabantayan po natin ang pagbaha sa mga lansangan, ‘yong related na mga landslides, at ‘yong pong possible evacuation ng ating mga kababayan kung kinakailangan po,” ani Saruca.
Inihayag nito na nakaposisyon na ang search and rescue teams and equipment sa buong capital region’s quadrants, habang puspusan din ang koordinasyon sa local government units (LGUs) at local risk reduction offices at iba pang pambansang ahensiya. Samantalang handa na rin ang MMDA sa mga paglikas kung kakailanganin, at tiniyak na 24 oras na bukas ang communications and command center na may hotline na 136.
- Latest
