FFCCCII pabor na gawing televise ang ICI

MANILA, Philippines — Pabor ang Federation of Filipino Chinese Chambers  of Commerce and Industry, Inc. (FFCCCII) na gawing televise ang imbestigasyon ng  Independent Commission for Infrastracture (ICI) kaugnay ng  katiwalian sa mga  flood control projects sa bansa.

Ayon kay FFCCCII President Victor Lim, dapat lamang na malaman ng publiko ang takbo ng imbestigasyon sa mga flood control kung saan dawit ang ilang mga mambabatas at opisyal ng Department of Public Works and Highways (DPWH) Bagama’t nalulungkot sila sa nangyayari, sinabi ni Lim na karapatan  din naman ng bawat Pilipino na malaman ang  ang utak at sanhi ng  katiwalian lalo pa’t buwis ng bawat mamamayan ang nakasalalay dito.

Samantala, nagsagawa ng medical at dental mission ang FFCCCII sa Brgy. 177 sa Gagalangin, Tondo, Maynila sa ilalim ng pamumuno ni Brgy. Chairman Eddie Yu at CFC Handmade of the Lord.

Bandang alas-8 ng umaga nang simulan ng  nasa 15 doktor ang  medical mission para upang maserbisyuhan ang mga residente sa nasabing barangay. Nabatid na nasa 600  residente sa barangay ang nakapagpakonsulta, 100 ang sumailalim sa bunot ng ngipin habang 100 ang nabigyan ng libreng  reading glass.