BOC, nagkasa ng nationwide random drug testing
MANILA, Philippines — Nagkasa si Customs Commissioner Ariel Nepomuceno, ng nationwide random drug testing, na isang mahalagang hakbang upang palakasin ang integridad ng ahensiya.
Ayon sa BOC, ang programa ay alinsunod sa Customs Memorandum Circular No. 248-2018, na nag-i-institutionalize ng Philippine Anti-Illegal Drugs Strategy (PADS), na binuo ng Dangerous Drugs Board (DDB).
Istrikto umanong ipatutupad ang naturang aktibidad sa BOC Central Office, gayundin sa lahat ng mga pantalan at sub-ports sa buong bansa.
Sa pagpapahintulot sa pagsasagawa ng naturang inisyatiba, muling pinagtibay ni Nepomuceno ang kanyang full commitment na magpatupad ng mga pamamaraan na puprotekta sa kalusugan at kapakanan ng mga empleyado ng BOC.
“The vision I hold for the Bureau of Customs is a culture rooted professionalism and accountability. In advancing this, we also extend our strong support to the Dangerous Drugs Board’s campaign to eradicate the illicit supply and demand for dangerous drugs and precursor chemicals,” ani Nepomuceno.
- Latest
