Crime rate sa Metro Manila bumaba ng higit 18% – NCRPO
MANILA, Philippines — Ikinagalak ni National Capital Region Police Office (NCRPO) Chief PMGen. Anthony Aberin ang pagbaba ng crime rate sa Metro Manila ng higit 18 porsiyento.
Ayon kay Aberin, umabot sa kabuuang 18.7 percent ang ibinaba ng focus crime mula Agosto 9 hanggang 16, 2025 kung saan pamamaslang at carnapping cases ang may pinakamalaking pagbaba.
Nabatid na 113 kaso ang naitala sa nasabing Linggo, na mas mababa ng 26 na kaso kumpara sa 139 insidente ng kaparehong period ng nakaraang taon.
Sa kaparehas din na panahon ay umaabot naman sa 358 katao ang naaresto ng NCRPO kabilang ang 138 na most wanted person.
Sinabi ni Aberin na sa walong focus crime, nanguna ang kaso ng pamamaslang, mula 12 kaso noong nakaraang taon ay 5 kaso na lang ang naitala ngayon; kaso ng panghahalay, mula 20 ay bumaba ito sa 14 na kaso; carnapping ng motorsiklo mula 4 na kaso ay walang kasong naitala ngayon.
Ang pagbaba ng crime rate ayon kay Aberin ay dahil sa pinaigting na police visibility at quick response dahilan ng agresibong operasyon kontra krimen.
- Latest
