3 katao sugatan sa karambola ng 5 sasakyan
MANILA, Philippines — Tatlong katao ang nasugatan nang magkarambola ang limang sasakyan sa Pandacan, Manila kahapon ng hapon.
Kaagad namang naisugod sa pagamutan at nabigyan ng lunas ang mga biktima na hindi na pinangalanan ng mga awtoridad.
Batay sa ulat ng Manila Disaster Risk Reduction and Management (DRRM) Office, nabatid na dakong alas-2:30 ng hapon nang maganap ang aksidente sa Mabini Bridge, sa Pandacan.
Kabilang umano sa mga nasangkot sa aksidente ay isang 10-wheeler truck na may dalang coconut oil, tatlong sport utility vehicle (SUV), at isang motorsiklo.
Lumilitaw na nawalan ng kontrol ang naturang truck, sanhi upang araruhin ang apat na sasakyan na nauna sa kanya.
Wasak ang harapang bahagi ng truck na natigil lamang nang sumadsad sa gilid na bahagi ng tulay.
Nagdulot naman ng pagbigat ng daloy ng trapiko sa lugar ang aksidente.
- Latest
