4 sugatan sa pagsabog sa Maynila
MANILA, Philippines — Apat na mangangalakal ang sugatan sa isang pagsabog na naganap kahapon ng hapon sa Tondo, Manila.
Hindi na pinangalanan pa ng mga awtoridad ang mga biktima sa insidente.
Batay sa ulat ng District Explosive and Canine Unit (DECU) ng Manila Police District (MPD), alas-2:30 ng hapon nang maganap ang pagsabog sa Tayuman St. kanto ng Dagupan St. sa Tondo
Sa pahayag ng Brgy. Kagawad na si Nino Cervantes, 45, ng Brgy. 54, sa Tondo, nakuha ng apat na biktima sa kanilang pangangalakal ang isang tila compressor ng aircon.
Naisipan ng mga biktima na i-dismantle o kalasin ang tila compressor hanggang sa biglang sumambulat.
Kaagad namang naisugod sa Jose Reyes Memorial Medical Center ang mga nasugatang biktima upang malapatan ng lunas.
Patuloy ang imbestigasyon sa insidente.
- Latest
