‘Abortionist’ huli sa ‘DIY’ abortion kit
MANILA, Philippines — Laglag sa mga operatiba ng National Bureau of Investigation (NBI) ang isang ‘abortionist’ nang magbenta sa online ng abortion pills sa nagpanggap na buyer sa Makati, at natunton sa Maynila nang ituro ng delivery rider, iniulat kahapon.
Ang babaeng suspek na hindi lisensyado na magbenta ng medisina ay dinakip sa entrapment operation noong Hulyo 14, 2025 ng mga ahente ng NBI Dangerous Drugs Division, sa Maynila.
Nang madiskubre ang online selling ng suspek, agad ikinasa ang entrapment, ani NBI Dangerous Drugs Division chief, Jonathan Galicia.
Apat na klase ng abortion pills ang nasamsam na tinawag ng NBI bilang “do-it-yourself” abortion kit with instructions dahil hindi na aniya, kailangan pa ng medical supervision.
May inalabas na aniyang, advisory ang Food and Drug Administration (FDA) laban sa paggamit ng nasabing mga gamot.
Nahaharap na sa reklamong paglabag sa Food and Drug Administration (FDA) law, Cybercrime Prevention Act, Pharmacy Law ang nadakip na suspek.
- Latest
