300 pamilya nasunugan
MANILA, Philippines — Tinatayang nasa 300 pamilya ang nawalan ng tahanan sa isang sunog na sumiklab sa Sampaloc, Manila kahapon ng madaling araw.
Batay sa ulat ng Manila Bureau of Fire Protection (BFP), dakong alas-12:32 ng madaling araw nang sumiklab ang sunog sa Amelia St., kanto ng M. Dela Fuente St., sa Sampaloc na umabot sa ikaapat na alarma, bago tuluyang naapula dakong ala-5:44 ng madaling araw.
Wala namang nasugatan o nasaktan sa sunog, ngunit isang ginang umano ang hinimatay dahil sa matinding pagpa-panic.
Inaalam pa rin ng mga awtoridad ang pinagmulan ng sunog na tumupok sa tinatayang aabot sa 70 tahanan, na pawang gawa sa light materials.
Sa pagtaya ng mga awtoridad aabot sa hanggang P300,000 ang halaga ng mga ari-ariang tinupok ng apoy.
- Latest
