QCPD task force binuo vs nagpasabog sa spa
MANILA, Philippines — Isang task for ang binuo ng Quezon City Police District (QCPD) sa pamumuno ni PCol. Randy Glenn Silvio, District Director for Administration (DDDA) at Officer-in-Charge, ng Special Investigation Team (SIT) upang imbestigahan ang naganap na pagsabog parking area ng Whitehouse Spa, sa Scout Chuatoco, Barangay Obrero, Quezon City nitong Miyerkules ng hapon.
Napag-alaman na si PCol. Roman Arugay, Deputy District Director for Operations (DDDO), ang magsisilbing SITG Commander, habang si PLt. Col. Joel Villanueva, hepe ng District Directorial Staff (CDDS), bilang Assistant Commander, kasama ang 11 iba pang itinalagang miyembro.
Sa imbestigasyon ng Explosive Ordnance Division (EOD), isang safety lever at ilang piraso ng metallic fragment ng isang umano’y hand grenade (MK2) ang narekober mula sa pinangyarihan ng pagsabog.
Ayon kay Silvio, ang SIT ay naglalayong mapabilis ang imbestigasyon, matukoy ang motibo sa likod ng insidente, at matukoy at mahuli ang mga suspek.
“The creation of this investigation team underscores our commitment to uncovering the truth and bringing the perpetrators to justice. We urge anyone with relevant information to report it immediately to the nearest police station or call the QC Helpline 122 for the swift resolution of the incident,” pahayag ni Silvio.
- Latest
