Lumang gusali ng Ospital ng Maynila, nasunog

MANILA, Philippines — Sumiklab ang sunog sa bahagi ng lumang gusali ng Ospital ng Maynila (Osma), sa Malate, ­Maynila, nitong Linggo.

Sa ulat ng Bureau of Fire Protection, pasado ala-1:00 ng madaling araw nang magsimula ang apoy sa ground floor at umakyat sa 5-palapag ng gusali at itinaas sa unang alarma pagsapit ng ala- 1:38 ng madaling araw.

Siyam na truck ng bumbero ang rumes­ponde na naapula pasado alas-2:00 ng madaling araw.

Ang silid na naglalaman ng mga lumang me­dical supplies ang tulu­yang natupok.

Walang naitalang nasugatan at nasawi sa insidente.

Iniimbestigahan pa ang sanhi at halaga ng pinsala ng sunog.