Mga taga-Caloocan kontento kay Malapitan

MANILA, Philippines — Apat sa limang Caloocan residents ang kuntento at aprubado sa liderato at pamamahala ni Mayor Dale Gonzalo “Along” Malapitan.

Ito naman ang lumitaw sa Social Weather Station (SWS) survey nitong Hulyo 2024 kung saan inilalarawan na ang husay ni Malapitan bilang alkalde ay bunsod ng pagiging produktibo, matulungin, epektibo at madaling lapitan ng kanyang mga nasasakupan.

Nagpasalamat naman si Malapitan sa suporta at tulong ng kanyang mga constituents upang maisakatuparan ang kanilang mga programa at proyekto sa lungsod.

Ani Malapitan, dodoblehin pa nila ang kanilang pagseserbisyo upang mas maiangat pa ang pamumuhay ng mga residente.

“Kayo po ang dahilan kung bakit mas nagpupursigi ang lahat ng mga opisyal at kawani ng pamahalaang lungsod kaya asahan niyo po na mas palalakasin pa natin ang pagbibigay ng prayoridad sa mga proyektong tututok sa inyong mga pangangailangan,” dagdag pa ng alkalde.