Lady tattoo artist, pinigil sa NAIA
MANILA, Philippines — Inaresto ng mga tauhan ng Philippine National Police Aviation Security Group(PNP-ASG) at NAIA PDEA-IADITG ang isang babaeng tattoo artist sa final security check point sa Ninoy Aquino International Airport (NAIA) terminal 3 matapos makuhanan ng illegal na droga, kahapon ng umaga..
Sa report ng NAIA PDEA-IADITG papaalis ang dalawang pasahero galing Baguio City patungong Kota Kinabalu sakay ng AirAsia flight nang makita sa x-ray machine sa final security check ang isang swiss knife at gunting kasama ang isang plastic sachet na naglalaman ng pinatuyong dahon ng marijuana.
Nabatid na lalaban sana sa competition ang babaeng tattoo artist na isang alyas Jasmin, 26 ,sa Malaysia subalit naharang ito sa airport matapos makuha sa kanya ang tinatayang 3.8 grams na marijuana na may standard drug price na P456.00.
Mahaharap ang pasahero sa kasong paglabag sa Section 26 in relation to Sec 5 Art. II ng RA 9165.
- Latest