PM Vargas handa na sa Kongreso
Kahit may death threat
MANILA, Philippines — Bagama’t nakatanggap ng death threat ilang araw lang ang nakaraan, sinabi ni Konsehal PM Vargas na handa na siyang harapin ang mga hamon ng kongreso at kumpyansa siya na ang kanyang naging karanasan sa Konseho ng Quezon City ang isa sa mga rason para dito.
Sinabi ni Vargas na pagtutuunan niya ng pansin ang pagpapalakas sa mga LGU upang matugunan nito ang mga pangangailangan ng mga mamamayan. Magsusulong din siya ng mga batas na magpapataas ng sweldo ng mga health workers at pagtaas ng antas at lakas ng serbisyo ng mga pang publikong ospital. “Kailangan tayo magpokus sa pandemic recovery at mabigyan ng kaukulang armas ang ating mga frontliners upang maka- ahon tayo ng sabay sabay! So importante sa akin ang pandemic preparedness, health services, job generation and social services!”
Chief of Staff na rin si PM Vargas sa opisina ng kanyang mas nakatatandang kapatid na si Rep. Alfred Vargas na patapos na ang ikatlong termino. Kaya naman alam na ng Konsehal ang mga regulasyon ukol sa paglikha at pagpasa ng mga batas.
Sa napipintong pagpasok ni Vargas sa Kongreso, handa etong makilahok sa mga usapan sa mga komite niyang magiging assignments.
- Latest
