Bantay Bayan, 9 pa nalambat sa ilegal na droga

MANILA, Philippines — Nalambat ng mga tauhan ng Makati City Police ang 10 katao na dawit sa ilegal na droga   sa ikinasang operasyon sa isang drug den, kama­kalawa ng gabi sa naturang lungsod.

Nakilala ang mga na-dakip na ‘tulak’ na sina Mark Lester Periña, 37, miyembro ng Bantay Bayan ng Brgy. Gudalupe Viejo;  Maribeth Orbigo-so, alyas Mabeth, 35; Ro­mel Casabol, alyas Noynoy, 37 at si Jay-Ar Henry Padilla, 31.

Ang mga nadakip naman na drug users ay sina Allan Villanueva, alyas “Baho”, 33; Jomar Camacho, 36; Allan Caparanga, 38; Erwino Aligato, 41; Lilibeth Valentin, alyas Ibay, 49 at Edgar Villarin, alyas Bong, 56.

Sa ulat ng pulisya, alas-6:45 ng gabi nang magkasa ng buy-bust operation ang Station Drug Enforcement Unit sa Laperal Compound sa Bernardino Street, Brgy. Guadalupe Viejo.  Na­gawang makipagtransaksyon ng poseur buyer sa suspek na si Periña na nag-alok ng P1,000 halaga ng shabu.

Nang maisaka­tu­pa-ran ang bentahan, dito na sumenyas ang buyer at sumulpot na ang mga pulis dahilan para ma-lambat ang 10 suspek.

Nakumpiska ng mga pulis ang nasa P57,000 halaga ng shabu, P500 marked money at mga drug paraphernalia.