Helper nagbigti sa CR
MANILA, Philippines — Wala nang buhay nang madiskubre ang isang lalaking nakabigti sa loob ng common comfort room sa isang gusali sa Sampaloc, Maynila kamakalawa ng hapon.
Kinilala ang biktimang si Rodrigo Bagat Jr., alyas “JR”, 19, helper, residente ng Room 204, Corazon Tibayan Building sa no. 774 Montaña Street, Earnshow, Sampaloc, Maynila.
Sa ulat ni PO3 Rode-rick Magpale ng Manila Police District-Homicide Section, dakong alas-3:30 ng hapon ng Biyernes nang madiskubre ang insidente ng isang tindera ng sari-sari store na gagamit umano ng CR.
Nagulat si Emily Ayon, 33, nang makitang may nakabitin sa common CR gamit ang nylon cord na itinali sa kahoy na suporta ng kisame.
Ipinaalam ni Ayon sa mga kapitbahay at sa barangay official ang natuklasan bago ipinarating sa pulisya.
Aalamin pa sa kapatid na si Roy Bagat at live-in partner nito si Amira Domrique kung ano ang posibleng dahilan sa pagpapatiwakal ng biktima.
- Latest
