4 huli sa buy-bust
MANILA, Philippines - Naaresto ng mga tauhan ng Quezon City police ang apat na katao sa isinagawang buy-bust operation sa isang hinihinalang drug den sa Arayat St., Brgy. San Martin De Porres, Cubao, Quezon City kamakalawa ng gabi.
Hindi na nakapalag pa nang arestuhin ang mga suspek na sina Mark Anthony Ignacio, Michael Ramos at magpinsang sina Luzviminda at Teresita Macoto.
Ayon kay Police Senior Inspector Ramon Aquiatan, ng Cubao Police Station Drug Enforcement Team isang linggo ring isinailalim sa surveillance ang naturang grupo ni Ignacio dahil sa ulat na supplier ang mga ito ng ilegal na droga sa lugar.
Anya, naaktuhan kagabi ang mga suspek na nagre-repack ng shabu, habang gumagamit naman ang dalawang iba pa.
Nasamsam sa lugar ang ilang mga shabu paraphernalia at mahigit limang gramo ng shabu na nagkakahalaga ng P100,000.
- Latest
