Sobrang depresyon, vendor nagbigti
MANILA, Philippines – Posibleng sobrang depresyon ang nagtulak sa 45-anyos na vendor upang magbigti kahapon sa Taguig City.
Kinilala ang nasawi na si Ariel Bautista, 45, taga PNR Site, Purok 9, Brgy. Western Bicutan ng naturang lungsod.
Sa report na natanggap ni Sr. Supt. Ramil Ramirez, hepe ng Pasay City Police, alas-8:30 ng umaga nang matagpuan ang biktima na nakatali ang leeg ng nylon cord at nakabigti sa loob ng tinitirhan nito sa naturang lugar ng kapitbahay nitong si Antonio Honrado, 57.
Ayon kay Honrado, ibibigay niya rito ang bill ng kuryente at ng buksan niya ang pintuan ng bahay ng biktima ay tumambad sa kanya ang nakabigting bangkay.
Isa sa mga teorya ng pulisya, posibleng na-depressed ang biktima dahilan upang kitlin nito ang sariling buhay.
- Latest
