Amerikano nambugbog ng paslit, arestado
MANILA, Philippines – Arestado ang isang American national matapos umano nitong gulpihin ang isang grade 3 pupil kama-kalawa sa Muntinlupa City.
Nakakulong ngayon sa Muntinlupa City Police detention cell ang suspek na si Bruce Scherer, 66.
Kinilala naman ang biktimang si Angelo Bulardo, 9-anyos, taga Bombasi Compound, Barangay Tunasan ng naturang lungsod.
Sa report na natanggap ni Senior Supt. Nicolas Salvador, hepe ng Muntinlupa City Police, alas-3:30 ng hapon nang arestuhin ng barangay police ng Barangay Tunasan ang naturang dayuhan matapos umano nitong gulpihin ang naturang biktima.
Ayon kay Salvador, inaalam pa nila kung bakit ginulpi ang biktima ng naturang dayuhan dahil hanggang ngayon ay hindi pa bumabalik ang magulang nito sa Muntinlupa City Police.
- Latest
