Prangkisa ng ‘patok’ na jeepney, sinuspinde
MANILA, Philippines – Sinuspinde ng Land Transportation Franchising and Regulatory Board (LTFRB) ng tatlong buwan ang prangkisa ng ‘patok’ na jeepney na nag-viral kamakailan dahil sa pagewang-gewang nitong pamamasada sa Marikina area.
Ito ayon kay LTFRB boardmember Ariel Inton ang naging desisyon ng LTFRB board makaraang isalang muli kahapon ang isyu ukol dito.
Magugunitang nag-viral sa social media ang patok na jeepney noong January 20, 2016, agad naman ipinasoli ng LTFRB ang plaka ng sasakyan sa ahensiya at hindi muna ito pinapasada habang iniimbestigahan ang insidente.
Sa pagdinig kahapon, muling pinabulaanan ng driver ng jeep na si Mark Bumanlag na hindi siya kundi ang konduktor na si Reynaldo Capulong ang nagmaneho ng walang pasaherong jeep na nagpagewang- gewang sa Maharlika highway kamakailan.
Sinabi ni Inton na dahil hindi binitbit ni Bumanlag sa LTFRB si Capulong at hinayaan niyang magmaneho ng pagewang-gewang ang huli, irerekomenda na ng LTFRB na kanselahin na ang drivers license ni Bumanlag.
- Latest
